Fraga Lleida

33 Kms

Katalunia.

Autonomia Erkidego historiko honetan sartzen gara, Cinca ibaia utzi eta berehala, Fraga herria gure bizkarrean dugula.

Kataluniak besoak zabalik hartuko gaitu, eta gure Ignazioren Bidea egiteko gida seguru baten opariarekin: Kataluniako Generalitatek zutabe adierazgarriak jarri ditu Kataluniako Santiago Bide osoan zehar eta seinale horiek lagunduko digute gure erromesaldia Montserrat eta Manresara jarraitzen.

Nazio katalana historia luze baten fruitua da eta hizkuntza propioa du, eta baita kultura adierazle oso bereziak ere, gizaki gazteluak, “els castellers” famatuak esate baterako, orain gutxi (2010) UNESCOk Izadiaren Ondare gisa hartu duena eta, agian, erromes ignaziotarrak aukera izango du Manresa hirian halakoren bat ikusteko. Seguru asko, entzuna izango du Bartzelonako basilika handientsuaren berri, Familia Sakratuarena, Gaudi arkitektoaren obra da bera.

Gure ibilbidea, Loiolako Ignazio erromesari babesa, laguntza eta adiskidetasuna eman zion Katalunian zehar jarraituko dugu.

Nagusiak bere mendekoak tratatzean alai sentiarazi behar ditu, tristezia orotatik aske eta Jainkoa adimen lasaiarekin zerbitzatzeko gai.

Fragatik, Udaletxeko plazatik, Espainia plazatik abiatuko gara. Barron Segoñe pasealekutik, udaletxea aurrez aurre dugula, ezkerrera Obradores Revolt kaleak jarraitzen du aldapan gora, igoera gogor batekin, N-II errepidera eramango gaitu. Bertara iritsita, zubi zuria har dezakegu, horrek hiltegiraino eramango gaitu eta, handik, kalea jarraituz, N-II errepidearen paraleloan, errepidean gora jarraituko dugu eta Fragatik urrunduko gara. N-II errepidearen paraleloan baina eskuineko aldetik ere jarrai dezakegu, dena aurrez aurre, baina gure eskuera utzi gabe.

Errepide Nazionalaren eskuin aldetik zein ezker aldetik, bide asfaltatu bat erakutsiko digun kartel batera iritsiko gara, gure ezkerrera aldapan gora jarraitzen duena: “Acacias Tiro-zelaia”. Hemen N-II errepidetik nahiz mendi-bidetik jarrai dezakegu. Erabakia hartzen, trafikotik urrundu nahi izateak ala hanketako nekeak lagunduko digute (igoera-jaitsiera gogorra dugu aurrean, errepideak 80mko tunel batekin saihesten du).

Zuzenetik jotzen badugu, bi kilometro egingo ditugu N-II errepidearen albotik, zirkulazioaren norabidean beti ere, eta tunel txiki bat igaro ondoren, errepideko karteletan adierazten den “zerbitzu-bidea” hartuko dugu. Ez da A-2 autobidean sartu behar. A-2 autobidea gurutzatzen duen zubian aurkituko ditugu margo gorri eta horiko seinaleak, lurralde honetako hiru ikurrinen koloreak: Aragoikoa, Kataluniako eta Espainiakoa. Zubian behera egin eta biribilgune batera iritsiko gara. Ezkerrera hartuko dugu, tunela A-2 autobidearen azpitik igarotzeko. Kartel batek “Industriagunea” erakutsiko digu eta bide horretatik jarraituko dugu. Industriagunean sartu eta gure eskuinera dagoen lehen kalea hartuko dugu. Dena zuzen jarraituko dugu kalean zehar. Kalearen amaieran, ezkerrera eta eskuinera biratu ondoren, biribilgune batekin topo egingo dugu. Hemendik etorriko dira “Acacias Tiro-zelaitik” abiatu zirenak ere.

Igotzea erabaki badugu, “Acacias Tiro-zelaitik” eta errepideko gezi horiak jarraituz, gailurrera iritsitakoan, bide asfaltatua jarraituko dugu ezkerrera, handik jarraituz bidea bikoizten den toki batera iritsiko gara. Eskuinera ENDESA GAS konpainiaren poste horiak ikusiko ditugu. Haiei jarraituz industriagunera iritsiko gara. Industriagunean sartuta, bertako kale batean aurrera, 2 km aurrerago, biribilgune batera iritsiko gara. Eskuinera dugun A-2 autobidearen paraleloan joango gara. Biribilgunean, N-II errepidea nahiago izan dutenekin aurkituko gara.

Biribilgunean sartuko gara eskuin aldetik, eta bigarren mendi-bide asfaltatua hartuko dugu, “Zerbitzu-bidea” bezala adierazia dagoena. STOP seinale batek, asfaltoan margotua, zein bide hartu behar dugun adieraziko digu, eta Hostal – Jatetxe batean atzeko aldera eramango gaitu. Bertara iritsita, A-2 autobideko zerbitzu-bidea hartuko dugu, gure ezkerrera dagoena. Bi STOP seinale gorrik adieraziko digute berriz ere, ez goazela ongi. Beti korrontearen kontrako norabidean!

Bizikletan joan ezkero, aholku hau ematen dizugu, hertzerik ez duen errepidean ez joan aurkako norabidean. Horregatik aukera hau daukazu, itzuli atzera 200 bat metro, A-2 gainean dagoen zubi bat pasatu, eta hartu lehena ezker aldera. Bide horretan kilometro batzuk jarraitzen baduzu, beti A-2 aren ondoan, Soses parera iritsiko zara eta mapan seinalatutako bidean sartuko zara ostera.

A-2a gurutzatzen duen zubi baten azpitik pasako gara. Aurrez aurre jarraituko dugu, beti ere zerbitzu-bidetik, biribilgune batera iritsiz. Aragoiko Autonomia Erkidegotik Kataluniako lurretara igaroko gara puntu horretan. Poste adierazle batek erakutsiko digu bidea. Hemendik Montserrateraino, bidelagun onak izango ditugu Kataluniako Generalitateko poste hauek. Gure ezkerrera dagoen bigarren bide asfaltatua, hartuko dugu, estua eta aldapatsua. Erdi ezkutuan dagoen urmael bat dugu eskuinaldera eta hori inguratzen duen eskuineko bidetik jarraituko dugu aldapan gora.

Gorenera igota, gure mendi-bidea beste mendi-bide asfaltatu batekin lotzen da, ezkerrera hartuko duguna. Baina 100 m igaro orduko berriro eskuinera biratuko dugu eta asfaltatu gabeko mendi-bidea hartuko dugu. Bideko posteek garbi adieraziko digute. Lehenik eskuinera eta gero ezkerrera biratuko dugu, Goi-tentsioko dorrea eta zuhaiztia dagoen aldera. Jaitsiera aldapatsu bat izango dugu. Aurrera jarraituko dugu gure bidean, ezker-eskuin biratuz doana, bide asfaltatu batera iritsiz. Hor aurrera jarraitu eta berriro A-2ko autobideko biribilgune batera eramango gaitu.

 Ez gara sartuko biribilgunean, baizik aurrera jarraituko dugu eta hortik hurbil dagoen zubi batera joko dugu, bertatik A-2 autobidea gurutzatzeko. Zubiaren hasieran kartel bat aurkituko dugu “Cami Realean” gaudela adieraziz, hortik igaro baitzen Loiolako Ignazio ere, Manresan izango zuen esperientziara bidean. Zubia igaro eta biribilgunera iritsita, ezkerrera egingo dugu eta A-2ra zuzenduko gara, eskuinera dugun autobidearen paralelo dagoen zerbitzu-bidea hartzea komeni baitzaigu. Metro gutxira Katalunia eta Aragoi Hostala eta CAMPSA gasolindegia igaroko ditugu, A-2aren bestaldean, gure ezkerrera. Zerbitzu-bidetik jarraituz beste zubi batekin topo egingo dugu, eta azpitik igaroko dugu.

Zerbitzu-bidetik jarraituko dugu eta, jaitsiera baten ondoren, biribilgune zabal batera iritsiko gara, hor eskuinera hartuko dugu. N-II errepideko 448 kilometroan gaude. A-2tik bereizten gaituen N-II errepidearen bazterbidetik jarraituko dugu, eta industria-nabeak dauden lekura eramango gaitu. Biribilgune batean, burdinazko eskultura moderno baten (gorenean Eguzkia duela) ondotik igaroko gara, CEMESA fabrikaren ondotik hain zuzen. Une honetan gauden CEMESAren biribilgunetik 150mra dagoen mendi-bidea hartuko dugu eskuinera. Poste batek adieraziko digu Lleidarako bidea. Mendi-bidea asfaltatu gabea izango da eta Torres de Segrera doan errepidera eramango gaitu. Gu gauden tokitik 250 m-ra hartuko dugu, eskuinera eta gero mendi-bide asfaltatua hartuko dugu, ezkerrera, honek Alcarrasera eramango gaitu. Kataluniako gobernuak jarritako posteek erakutsiko digute bide segurua.

Beti aurrera, inongo bidegurutzerik hartu gabe eta gure mendi-bidearen bihurguneak jarraituz, Alcarrasera iritsiko gara Clamor kaletik. Seguimos por la Travesia Clamor y cruzamos la carretera Nacional II. Todo recto por la calle Jacint Verdaguer y tomamos la primera a la derecha. Seguimos recto por la calle Joan XXIII hasta llegar a la calle Dr. Castells que tomamos a la derecha. Gure gibelean, Alcarraseko eliza dugula ohartuko gara. Passeig del Riu kaletik goaz eta lehen bidegurutzean ezkerrera hartuko dugu Avinguda Onze de Setembrera bidean.

Avinguda Onze de Setembrera iritsita, poste adierazle batek erakutsiko digu Butsenit herrirako bidea. Eskuineko bide asfaltatua hartuko dugu eta laster ezkerrera biratuko dugu nekazaritzako nabe batzuen aurretik jarraitzen duen mendi-bidetik. Bide honi jarraituko diogu eta N-II errepidera eramango gaitu berriro. Bertara tunel baten parera iritsiko gara, eta hau hartu gabe, eskuinera hartuko dugu eta N-II errepidearen paraleloan jarraituko dugu. Gure eskuinera Merkatalgune handiak ikusiko ditugu eta beste biribilgune batera iritsiko gara. Poste adierazle batek esango digu gure eskuinera dagoen bide asfaltatua hartu behar dugula.

Asfaltatutako bidetik jarraituko dugu. Poste adierazle bat aurkituko dugu bidezidor bat adieraziz, euri-bide baterantz. Zubi estu bat igaro eta ezkerrera jarraituko dugu behi-granja baterantz. Abeltegiaren atetik hurbil, bidezidor bat gure eskuinera. Hori hartu eta nekazaritzako industria-nabe batzuetara iritsiko gara. Butsenit herrira iristen ari gara. Hortik jarraituz, herrira sartzeko errepidera iritsitakoan, eskuinera hartuko dugu eta herri-barrura sartuko gara. Lehen hezkuntzako eskola bat igaro eta Igokundeko Andre Mariaren Elizara iritsiko gara. Angelu zuzen bat eginez eskuinera hartuko dugu, jaitsiera aldapatsua duen bide batetik, eskolako jolastokiaren ondoan.

Bideak Segre ibaira eramango gaitu. Ibaia jarraituko dugu, beti gure eskuinera dugula. Eguraldia ona bada, zikoinak, ahateak eta antzarak ez dira faltako ibiltariaren bidean! Ibaiaren bihurguneak jarraituko ditugu. Trenbidearen azpitik igaroko gara. Beti aurrera, Segre ibaiaren paraleloan jarraituz, bide asfaltatu batera iritsiko gara eta eskuinera hartuko dugu. Poste batek adieraziko digu. Azkenik Lleidako hiriburura iritsiko gara. Segre ibaiaren paraleloan jarraituz, N-II errepidearen gaineko zubia igaro eta Avinguda de Alcalde Arenytik sartuko gara.

 Gure ezker aldean dago Sant Ignasi parrokia, aita jesuitek gidatua, oso agerian ez badago ere, eraikuntza baten behe-etxean baitago, igaro dugun zubitik 400 metro eskasera, ibaiaren bidea jarraituz (“Maristen pasarela” igarotakoan galdetu).

Caminamos todo recto por la avenida del Alcalde Areny y llegamos a la Estación de Autobuses de Lleida. Girando a nuestra izquierda, seguimos por la Avenida de Catalunya y tomamos a la derecha en la calle Sant Antoni. Seguimos recto por esa calle y llegamos a la Catedral de Lleida, a la Oficina de Turismo y al Ayuntamiento de Lleida. Final de etapa.

ALCARRÀS

Ayuntamiento . Tel: 973 790 004.

Hotel Can Peixan . Av de Catalunya, 78 Tel: 973 791 012.

Hotel Restaurant Casa Miquel . A 2km del pueblo en dirección a la autopista A-2, Carretera Valmanya, Km. 2, Tel: 973 791 627.

FRAGA

Taxi Fraga 24h . Tel: 931 780 030

Taxi Romera SL . Tel: 974 471 673

LLEIDA

Albergue de Sant Anastasi . Rambla d’Aragó, 11. Tel: 973 266 099 (precio de temporada baja para los peregrinos acreditados).

Hotel Catalonia Transit*** . Tel: 973 230 008.

Hotel Goya . c/ Alcalde Costa 9 Tel: 973 266 788

Hotel Real Lleida*** . Avinguda de Blondel, 22. Tel: 973 271 031

Tele Radio Taxi Lleida . Tel: 973 203 050 / 680 203 050

ALCARRAS: Jatetxea, supermerkatua, botika, osasun-etxea eta bankua dituen herria. Udaletxea: Tel: 973 790 004.

BUTSENIT: Hiriburutik gertu, jatetxea eta supermerkatua ditu.

LLEIDA: Kataluniako hiri handi eta ederra, bisitatzeko museo eta eraikuntza bereziekin. Derrigorrezkoa da bertako turismo bulegotik pasatzea, hiriaren bisita-plan egoki bat egin nahi bada (Major kalea, 31 bis. Tel: 973 700 319. www.paeria.es/turisme). Jatorri iberiarrak dituena, erromatarrek ongi ezagutu zutena. Llerda deitu zioten. 4 mendetan musulmanen eraginpean egon zen; Ramon Berenguer Kondeak berreskuratu zuen hiria, XII. mendearen erdi aldera. Seu Vella, XIII. mendean eraikitzen hasitakoa, Santa Mariari eskainia, oin erromanikoan eraikia dagoena, eta hiriko meskita kokatua zegoen lekuan bertan egina. Santa Maria de Gardeny, eliza erromanikoa da eta bere dorreak, XIII. mendeko Zaldun Tenplarioen monasterioko ezaugarriak mantentzen ditu. Hortik oso gertu daude garai batean hiria inguratu zuten antzinako harresien hondakinak eta Zudaren horma batzuk, IX. mendeko arabiarren gotorlekua, XIII. mendean Jaime I. errege katalanak berreraiki zuena. Udalaren eraikuntza erromanikoa, Plaza Paerian, XIII. mendekoa da. Katedralaren Plazan, Seu Nova edo Katedral Berria (XVIII. mendekoa) eta handik gertu Santa Maria Ospitalea, antzinako komentua, barruan gotiko flamigero motako patio zoragarria duena, XV. mendekoa. Bisitatzea merezi dute baita ere, Sant Llorenç eliza erromanikoak (XII-XIII. mendekoa), eta San Marti elizak (XII. mendekoa). Beste puntu aipagarriak dira: Kasino Nagusia (XIX. mendekoa) eta Apezpiku Jauregia. Erromesarentzat interes berezia du Kale Nagusian dagoen kaperak, Santiago Apostoluaren legenda bat gogoratzen baita bertan: Espainian zehar egindako bere ibilaldian, Ebanjelioa hots eginez, Santiagori oin batean arantza bat sartu zitzaion, eta ibili ezinik gelditu zen. Ezin ibili eta arantza non zuen ere ezin zuen ikusi, oso toki iluna delako. Bere etsipenean, aingerutxo batzuk jaitsi zitzaizkion zerutik, beren faroltxoak piztuta eta egoera horretatik irteten lagundu zioten. Uztailaren 24 bakoitzean, Lleidako haurrak, alde zaharreko kaleetan zehar ibiltzen dira, faroltxoak piztuta dituztela, Santiago apostoluaren ohoretan.

AITA JESUITAK Lleidan: Sant Ignasi Parrokia, Plaça Espanya, 4an (Tel: 973 271 099). Parrokiko ordutegian (18:00tik 21:00era), erromesari arreta eta laguntza espirituala eskaintzen zaizkio, eta baita bere egiaztagiria zigilatu ere.

Oharrak: Gure erromesaldiko azken etapan sartzen ari gara: Gogo-jardunetako “laugarren astean”. Beste animo batekin gaude, Jainkoaren Bizia osotasun osoan kontenplatuko baitugu, Jesusekin eta ikasleekin batera sentituko dugu azkeneko atea ireki dela eta orain ez dagoela betiereko askatasunerako eta zorionerako bidean geratuko gaituen ezer, Jainko maitasunean. Azkeneko astea graziaz eta argiz betea. Lore txiki bakoitza, txoriak, irribarrea, luzatutako eskua poz iturri ditugu. Ez dezagun ahaztu “sarrerako otoitza” kontenplazioan sartu aurretik eta egunean zehar. Gogoan izan dezagun amaierako elkarrizketa: Jesus berpiztuaren barne ezaguerara gerturatzen gara, betiko biziarekin dugun konpromisoa betetzen lagunduko digu. Otoitzaren amaierako elkarrizketan eta egunean zehar eztabaidatuko dugu gure “adiskidearekin”.

Eskaria: Dohain hau eskatuko diogu Aitari: Berpiztuaren eta garaipenezko Kristoren pozean sartzeko gai izan gaitezela. Jesusek lortu digun Bizi Betea kontenplatzeko gai izan gaitezela. Erabat poztu Kristorekin, Mariarekin eta bere ikasle guztiekin.

Hausnarketak: gaur eta ondorengo egunetan “zoriontsu izateko grazia eskatzera eta Kristo gure Jaunaren aintza eta poz handiagatik alaitzera” gonbidatzen gaitu Ignaziok, Kristo gure Jauna hilen artetik piztu baita. Inork ezin zuen irudikatu gertatuko zena, Isaias profetak aldarrikatu zuen arren “Nire morroiak arrakasta izango du, gorengo ohorera igoko da”. Baina Jesusen azken egunak oso gogorrak izan ziren eta bere heriotza ulertezina, beraz, ezinezkoa zen Jainkoa gurekin zegoela pentsatzea. Mundu osoa harrituta eta lur jota zegoen. Biblian behin baino gehiagotan gertatu izan da, sinestezina izan arren, adinean aurrera doan emakume agorrak semea izan zuen. Idatzietan dago “Jainkoarentzat ez dago ezinezko ezer”, baina hala ere, oraindik zaila da sinestea. Hain zen ezinezkoa, zaintzaileek apaiz nagusiei eta adinekoei dena azaldu arren, inork ez zuela onartu. Baina gaur egun Jainkoaren botere eta ontasun harrigarriaren azken egia berpizkundea dela sinesten dugu. Jainkoak gu heriotzatik askatzeko boterea du, heriotza mota orotatik.

Batzuetan gure fedea ahula da: Jesus heriotzatik bizitzara antzaldatu duen Jainkoak gu ere antzalda gaitzake, baina askotan etsipenak jotzen gaitu eta itxaropenik gabe sentitzen gara, gure arazoen aurrean, gure beldurren aurrean, gugan dagoen bekatuaren aurrean edo gailentzen gaituen minaren aurrean. Jesus berpiztua antzaldatuta bizi da betirako eta gu geu, Jesusen eginengatik barnetik antzaldatu gara. Gure barruan dugu Berpizkundearen hazia. Jesus bizirik eta betirako gurekin dago, batzuetan hori sinestea zaila izan arren. Emausko ikasleek jaso zuten mezu hau.

Mariaren esperientzia ere bada hau, Kristoren amarena. Berak hasieratik jakin zuen Jesus bizirik zegoela, Ignaziok esaten digun bezala: zalantzarik gabe bera izan zen Berpizkundearen esperientzia jasotzen lehenengoa. Eta une horretatik bertatik gerturatu zen ikasleengana, nahigabea eta etsipena gainditzen laguntzeko. Berpiztutako Jauna gurekin dago agindu zuen bezala, gu kontsolatzeko eta bere dohainak guri eskaintzeko, munduan sufritzen daudenak kontsolatu ahal izan ditzagun.

Emakumeak hutsik zegoen hilobira gerturatu zirenean, Jesus berpiztu izana sinesteko gai ez ziren eta “zaintzaileak” hau besterik ez zien esan: “Zergatik zabiltzaten biziaren bila, hildakoen artean?”. Guri ere gauza bera esaten digu gaur egun: askotan ezin izaten ditugu gure buruari edo gure munduari buruzko albiste onak sinetsi. Berriro ere Jesusek gure itxaropenak zentzu askotan nahasten ditu, baina azpimarratu beharra daukagu lehenengo ez zitzaiela agertu ikasle pribilegiatuei, Pedrori, Mateori edo Joani, baizik eta emakumeei, bere ikaslerik ausartenei eta leialenei.

Erabili dezagun kontenplazioko otoitza eszenaren barruan sentituta eta bizi dezagun heriotzatik berpizteko graziaren esperientzia. Entzun, begiratu, hitz egin, erregutu, ukitu… egingo dut. Ni historiaren barruan nago. Otoitz egin dezagun gugan eta maite ditugun pertsonengan gertatutako heriotza bakoitzaren berpizkundeagatik. Gaur Mariak oso ongi ulertzen gaitu!

Testuak:

Isaias 52,13-53,12. “Nork sinetsiko zuen entzundakoa?”

Mateo 28,1-15. “Zuek ez beldurtu. Badakit Jesus gurutziltzatuaren bila zabiltzatela. Ez dago hemen, biztua da.”

Lukas 24,13-35. Jesus kide izan dut erromesaldian eta nire historiaren eta histori aurrearen zati izan dala adierazi dit. Barnetik kontsolatuta nago eta mundu osoari aldarrikatu nahi diot “Biztu da Jauna!” Emausko ikasleek egin zuten bezala.

Amaierako elkarrizketa: gure barne erromesaldiko etapa honetan gure lagun eta adiskide Jesukristorekin ibiltzen ohitu gara eta adiskideek elkarrekin hitz egiten duten adinako askatasunez hitz egiten dugu elkarrekin. Barneko indarra eta grazia baldin badauzkazu, eska iezaiozu bere ikurrinaren pean har zaitzala Jainkoaren Erreinua bere ondoan eraikitzeko. Amaitzeko, “Aita Gurea” esan.

Leave a Reply

Your email address will not be published. Required fields are marked *

Bizikletaz egiteko erraza

Fragako irteeran aldapa handia dagoen arren eta kontuz ibili behar da bidegurutzean.

Fraga : Km 0.
Camino Real: Km 13.
Alcarràs: Km 19,3.
Butsènit: Km 25.
Lérida / Lleida: Km 33.

Bidea

Etapa eskema

Altimetria

Lleidako eguraldian

Lleida
3°
overcast clouds
humidity: 71%
wind: 2m/s NE
H 3 • L 2
13°
Thu
12°
Fri
12°
Sat
13°
Sun