Candasnos Fraga

26,8 Kms

Besteren akatsez ohartzeko zenbat eta zorrotzago bihurtu, zeureak ez ikusteko are eta itsuago bihurtzen zara.

Herriaren erditik, Balsa del Tejar kaletik irtengo gara, elizaren ondoko plazan dagoena. Udal igerilekuak eskuinera utzi eta aurrera jarraituko dugu, ezkerretik N-II errepideak gidaturik. Abelbide Nagusian sartuko gara, hasieran asfaltatua eta gero asfalto gabe.

Zubi batek lagunduko digu AP-2 edo Iparraldeko Autopista igarotzen. Gure ezkerrera Cruzanzana hotela dago. N-II errepidearen paraleloan jarraituko dugu, hau ezkerrean dugula. Zubitik 3 km-ra, N-II errepidea gurutzatuko dugu tunel batetik eta eskuinera igoko gara bide bat aurkitzeko, N-IIren paraleloan jarraituko dugu, baina orain eskuinean dugula. Hala jarraituko dugu beti aurrera, N-II errepidetik gutxi-asko urrunduz, baina bistatik galdu gabe. Gasolindegi baten ondotik igaroko gara eta zuzen jarraituko dugu. Argindar poste lerro bat izango dugu gidari.

Ordokiaren azkenera iritsi eta Fraga dugu gure zain, Cinca ibai-arroarekin. Utzitako gasolina zerbitzugune batera iritsiko gara, berriro N-II errepidera hurbilduz. N-II errepidearen alboko bidetik jarraituko dugu, eta ezkerrera doan bide bat hartuko dugu laster, N-II errepidetik urrunduko gaituena, ordokiaren gainean mantenduz, N-II errepidea Cinca bailararen sakonera hondoratzen den bitartean. Gure bidea bikoiztu egingo da: eskuinekoa hartuko dugu, eta utzi egingo dugu ezkerrekoa, argindar poste baten ondoan. Bide honek bailararen ikuspegi zoragarria eskaintzen digu, eta harrizko eraikin bat pasata, bidegurutzea berriro, argindar poste baten ondoan, eskuinekoa hartuko dugu beherantz. Gezi hori batek ezker aldetik adieraziko digu gure alderantzizko bidea.

Gure bidean jarraituko dugu, jaitsiera gogorrean. Lautadara iristear garela, beste bide batekin bat egiten du gureak, eta ezkerrera hartuko dugu. Aurrera jarraituko dugu 200m inguru eta eskuinera biratuko dugu, hemen hasten den beste bide batean, eta jaitsierara doana Fragara bidean. Seinale gorri eta zuri batzuek lagunduko digute bidean zuzen jarraitzen, baina ez ahaztu eskuinera biratu behar dugula, seinale gorri eta zuriek zuzen jarraitzen baitute, eta guk ez dugu hori egingo. Bideak zuzen jaitsiko gaitu Fragara. Errepidera iritsiko gara eta eskuinera biratuko dugu. 100mra bihurgune bat aurkituko dugu, “N-II Lleidara” adierazten diguna. Herrian sartuko gara N-II errepidetik, Aragon Etorbide ederrean bilakatzen dena. Dena zuzen, Cinca ibaira iritsiko gara. Ignazio Bideak ibaia igarota, auzo zaharretik jarraitzen du, Udaletxearen ondoan.

CANDASNOS

Taxi Carlos (Bujaraloz) . Tel: 608 782 616 (taxi de 5 y 8 plazas)

FRAGA

Ayuntamiento . Ayuntamiento Tel: 974 470 050. Con un certificado de peregrino que ofrecen en la parroquia (Tel: 974 470 183 / 974 470 865) hay posibilidad de alojarse en bungalows del camping-restaurante de Fraga, que está a 1 km en las afueras, subiendo la calle de Soses.

Hostal Aribau . Avenida de Madrid 25, Tel: 974 471 887

Hostal Oasis . Ctra. Nacional II km 442, Tel 974 470 654

Hostal Trébol . Avenida de Aragón, 9. Tel: 974 471 533

Pensión Olles . Avenida de Madrid 33, Tel: 974 453 834

Aurreko etapetako eran jarraitzen dugu, baina Cinca ibaiarekin topo egiteko itxaropenez, eta Monegroseko etapa latzak atzean uzteko gogoz.

FRAGA: 13.000 biztanlerekin Behe Cincako herririk garrantzitsuena da. Jatorri iberiarrekoa, inguruan erromatarren aztarnak dituena, eta Aragoiko Errekonkistaren historian protagonismo nagusia izan zuen hiria. Fraga hiria da, 1709an Felipe V.ak hiri izaera eman ziona. Fraideen Dorrea, ongi berriztatua, tenplarioek eraikia izan zen 1128an. Nabarmentzekoa da bere eliza, San Pedrori eskainia, erromaniko estilokoa (XII. mendekoa), antzinako meskita baten gainean eraikia. Fragako egitura urbanistikoa, arabiarren eraikuntza ikuspegiaren araberakoa da, adobezko etxeekin, oraindik ere zenbait lekutan ikus daitezkeenak. Atarazanas auzoan ontziola bat egon zen Cinca ibairako. Bereziki deigarriak dira ondorengo eraikinak, Junqueras etxea, gobernadorearen jauregia, eskolapioena, eta gotiko erako beste asko, XVI eta XVII. mendeetan eraikiak. Ikustea merezi du baita ere, Moncada jauregian (San Jose de Calasanz kalea, 12. Tel: 974 472 533) dagoen hiriko museoak. XVII. mendeko eraikina da, orain gutxi berriztatua. Hiri honetan behar dugun guztia aurki dezakegu: jatetxeak, supermerkatuak, osasun-etxeak, bankuak, bizikleta-tailerrak, botikak eta informazio bulegoa (Tel: 974 470 050).

Oharrak: Jesusekin ibiliaz jarraitzen dugu, azken unean lagun eginez eta ondoren ikasleekin joango gara gorputza gurutzetik jaitsi eta ehorztera daramatela. Ez dezagun ahaztu “prestatzeko otoitza”: berriro ere gure bizitza Jaunaren borondatera bideratzeko eskatuko dugu, Berpizkunde eta zorion iturri bakarra baita. Amaierako elkarrizketa azpimarratu beharra dago: Jesus sufritzailearen ondoan jarriko gara eta gure bizitzako konpromisoan jarraitzeko indarra eskatuko diogu. Amaierako elkarrizketan eta egunean zehar egin.

Eskaria: Aitari eskatzen diot Kristoren minean mina eta Kristoren larritasunean larritasuna sentitzeko dohaina izan dezadala eta Kristok nigatik bere bizitzaren amaieran jasandako nahigabe guztiengatik malkoak isuri eta min sakona senti dezadala.

Hausnarketak: Gurutzea Eliza Katolikoaren aldare gainean dago zintzilik eta meza oroitzeko dela gogorarazten digu, Jesusek bere bizia gugatik nola eman zuen bizitzen dugu berriro, heriotzaraino eman zuela bere bizia. Batzuetan, ordea, gain-intelektualizatu egin dugu  gurutzean jostea eta Jesusen heriotzaren misterio teologikoaz arrazoitu dugu. Batzuetan gurutzean joste horren ordez “urrezko gurutzea” jarri dugu, baina harribitxiekikoa ere. Gaur nekaldia “bere errealitate gordinean” bizi nahi dugu: irudikapenezko kontenplazioa erabilita, igaro dezagun denbora Jesus gizakoiarekin, heriotza mingarri eta mantsoa jasan zuen harekin, baita iraingarria ere, bi kriminalen erdian gurutziltzatuta. Egon gaitezen bere amaren ondoan, bere semea nola hiltzen zen ikusi behar izan zuen ama horren ondoan. Guk, XXI. mendeko kristauok, badakigu drama hau Jesusen berpizkundearekin amaitu zela, baina Mariak ez zekien. Ignaziar kontenplazioan Mariari lagun egingo diogu, Jesusen amari, berarekin batera urrunduko gara hilobitik eta ostatu hartu zuen etxera joango gara. Berarekin geratuko gara, berarekin egongo gara zain, han daudenei Jesus haurra zenetik bihotzean hausnartzen zituen gauzak nola kontatzen dizkien entzungo dugu. Semearen oroitzapenak entzungo dizkiogu. Berarekin batera egingo dugu negar, zerbait gertatzea nahi dugu berak espero bezala. Eta nor garen esango diogu: bere Semearen jarraitzaileak gara.

Jesusekin ahalik eta gehien identifikatzera gonbidatzen gaitu Ignaziok, guk geuk senti dezagula “Kristoren minean, mina; suntsitutako espiritua, hain suntsituta dagoen Kristorekin eta barne sufrimendua, Kristok nigatik jasan zituen sufrimendu ikaragarriengatik… Gogoan izan dezagun Ama Mariaren bakardadea, min sakona eta barneko nekea; baita ikasleen nekea ere”. Dena amaitu da. Amaiera da.

Kristo gure Jaun eta Erregeak gure munduan duen misioarekin jarraitzen du, gizon-emakume guztiak salbatzeko. Torturatuta jarraitzen du bere senideen bidez. Gurutzera eramaten dute behin eta berriro. Meditatu dezagun gure gizateriaren egoeraz eta eska diezaiogun Aitari gaur egungo munduan gurutziltzatutako Kristoren ondoan.

Testuak:

Mateo 27,1-66. “Gurutzean josi!” “Zer oker egin du, bada?” “Gurutzean josi!”.

Salmo 22. “Ene Jainko, ene Jainko, zergatik utzi nauzu?”

Salmo 31. “Jauna, zuregan dut babesa.”

Isaias 50,4-9. “Jauna dut lagun.”

Amaierako elkarrizketa: atzoko otoitzean bezala, gaur Jesus sufritzailearen ondoan egotea garrantzitsuagoa da gure hitz zalantzakor edo baldarrak baino. Gure elkarrizketan sentimenduaren, maitasunaren eta errukiaren sakontasuna sartzen jarraituko dugu, eta “bakarrik” Jesusi egingo diogu lagun. Amaitzeko, Aita Gurea.

Leave a Reply

Your email address will not be published. Required fields are marked *

Bizikletaz egiteko erraza

Los Monegros ordokiko jaitsieran aldapa handia egon eta bideko zati batzuetan zulo handiak ere bai euriaren ondorioz.

Candasnos : Km 0.
Gasolinera: Km 13.
Fraga: Km 26,8.

Bidea

Etapa eskema

Altimetria

Fragako eguraldian

Fraga
23°
few clouds
humidity: 40%
wind: 7m/s W
H 26 • L 26
26°
Mon
24°
Tue
25°
Wed
26°
Thu