Alcanadre Calahorra

21,5 Kms

Jainkoa duenari ez zaio ezer falta, beste ezer izan ez arren.

Aterpetxea gure ezkerrera utzita Los Pilares kalera joko dugu. Kale honetatik zuzen jarraituko dugu, nahiz eta bihurgunetxo bat egiten duen lehenbizi ezkerrera eta gero eskuinera. Horrela igaroko dugu herria LR-260 errepidera iritsi arte, eta perpendikularrean gurutzatuko dugu errepidea. Asfaltoa bukatuko zaigu eta gurdibide batean sartuko gara. Bide honi jarraituko diogu, beti zuzen, gure eskuinean utziko dugun biltegi baten ondotik.

Eguzki-plakak dituen zentral bat ikusiko dugu eskuinera. Puntu honetatik 1,3 km-ra, eta bideko punturik garaienean, sardetu egiten da gure bidea: eskuinekoa hartuko dugu, geure pareenean duguna. Bideak eskuinera biratzen du eta jarraitu egingo dugu bertatik, alboko beste biderik hartu gabe.

AP-68 autopista gurutzatuko dugu zubi garaitik, eta handik jaitsi orduko, ezkerrera hartuko dugu, autopistaren paralelo doan asfaltatu gabeko bidea hartuz. N-123 errepideak moztuko digu bidea. Eskuinera jarraituaz gurutzatuko dugu eta autopistara sartzeko bihurgunea pasata, gure bidean sartuko gara berriro. Autopistaren paraleloan jarraituko dugu, bidearen beste aldera pasatzeko tunelera iritsi arte. Eskuinera hartu eta jarraitu egingo dugu trenbidera iritsi arte, eta zubi baten bidez gurutzatuko dugu. Zubia igarota, asfaltatu gabeko bidea hartuko dugu, eskuinera. Bideak trenbidearen paralelo mantenduko gaitu. Lodosako Kanalera iritsiko gara eta eskuinera jarraituko dugu.

Asfaltatutako bide batera iritsiko gara eta perpendikularrean gurutzatuko dugu. Gure aurreko bide asfaltatua hartuko dugu. Lurrezko bidetik jarraituko dugu hare-harrizko harrobi batera iritsi arte. Bidegurutzean, gure bidearen jarraipena dena jarraituko dugu, ia geure aurrean duguna. Lurrezko bide hau errepide batean amaitzen da. Hori hartuko dugu eskuinera, eta trenbidea gurutzatzen duen zubira eramango gaitu honek.

Jada ez dugu bide asfaltatua utziko Calahorrara iritsi arte. Biribilgune bat gurutzatu eta zuzen jarraituko dugu. Murilloko errepidetik sartuko gara, eta gero ezkerrera hartuko dugu San Millan kaletik, Diego Camporredondo plazara bidean. Zuzen jarraituko dugu Ruiz y Menta kaletik Mercadal Pasealekura iritsi arte, eta eskuinera hartuko dugu. Pasealeku amaieran ezkerrera hartuko dugu Martires kaletik, gero Grande kalea eta ondoren Mayor bihurtuko zaiguna. Raso Plaza berezia gurutzatuko dugu, eta aurrerago, 300 m ingurura, Dra. Garcia plazaren ondoan dago San Frantziskoren komentua eta eliza, erromesen Aterpetxe berriaren kokalekua.

ALCANADRE

Taxis Pachicho. Tel: 948 693 055

Taxis Pradejon. Tel: 619 964 141

CALAHORRA

Albergue de Juventud  (para grupos a partir de 15 personas). Paseo de las Bolas s/n. Tel.: 941 105 071. Es obligado hacer una reserva en la Oficina Local de Juventud. Tel.: 941 146 511.

Albergue de peregrinos San Francisco. C/ Rasillo de San Francisco s/n. (18 plazas), al lado del convento de San Francisco. Tel.: 941 590 511 / 637 736 108

Ayuntamiento. Tel.: 941 105 050

Ciudad de Calahorra. C/ Maestro Falla, 1. Tel.: 941 147 434.

Hostal Gala. (descuento del 10% para peregrinos con credencial). Avenida de La Estación, 7. Tel.: 941 14 55 15.

Parador de Calahorra****. Paseo del Mercadal, s/n. Tel.: 941 130 358.

CALAHORRA: Gutxienez bi mila urteko herria da, Asturicatik Tarracorako erromatar galtzadaren topalekua. Erromatarrek Calagurris eta zeltiberiarrek Kalakoricos deitu zioten herri honi, baskoniar jatorria aitortzen diote gehienek. Raso plazan zegoen antzinako Foro Erromatarra. Zeledonio eta Emeterio erromatar legionarioak martirizatu zituzteneko (300 urtea) oroigarria da kristauentzat. Calahorra apezpiku-hiria izan zen IV. mendetik, eta eragin handiko leku bihurtu zuen horrek, bere apezpikutzaren eremu zabalean, zenbait mendez. 714 urtean, musulmanek bereganatu zuten, eta hauek ere utzi zuten beren arrastoa nekazaritzan eta hirigintzan. Erromes tradizio handiko herria da, Santa Maria Katedraleko (XVI. mendekoa) Bataioko Ponteak adierazten duenez, maskorrez, kuiaz eta Santiagoren irudiz hornitua baitago. Aipagarria da, halaber, Kristo Hilzorian eta “Pilotako Kristo” daudeneko kapera. 23.000 biztanle pasa ditu, eta herri oso garrantzitsua da. Herri honetan jatetxeak, bizikleta tailerrak, botikak, osasun-etxea, supermerkatuak, banketxeak eta turismo bulegoa daude (Angel Olivan kalea, 8. Tel: 941 105 061. Asteartetik larunbatera irekita, goiz eta arratsaldez. Igandeetan goizez bakarrik).

Oharrak: Ez dezagun ahaztu “prestatzeko otoitza”, esperientzia ororen amaierako fruitua. Barne erromesaldiko “bigarren aste” honen ezaugarria intimitatea da: gure Jauna eta Erregea hobeto ezagutu nahi dugu, gertuagotik jarraitzeko. Intimitatea nahitaezkoa da! Saia gaitezen intimitatearen grazia hori Jesukristorekin aurkitzen.

Eskaria: behar ditudan hiru gauza eskatuko dizkiot Aitari, Berak bakarrik eman baitiezazkidake: Jesusen ezaguera intimoagoa, gutako bat bihurtu baita; niri didan maitasunaren esperientzia pertsonalagoa, goxotasun handiagoz maita dezadan; eta Jesusekin elkartasun estuagoa, gizateriari salbazioa eramateko misioan.

Hausnarketak: Jesusen kideak badaki Jesus Errege dela, kontzientzia hori hazi egiten zaio eta ondorioz bere arerioen, nahien eta planen kontzientzia ere hazi egiten zaio. Bakoitza intimitatean hazten da Errege honen maitasunezko presentzia esperimentatzean; Errege honek bere jarraitzaileei diren bezala egiten die dei, irakatsi, sendatu, erronka egin, onartu eta elikatu egiten ditu. Jesus Erregearen kideak Berarekin igaro nahi ditu txarkeria, gehiegikeria eta pobrezia guztiak, Berarekin barru-barruko elkartasuna lortzeko hala egin behar bada. Kideak badaki inoiz ez dela bakarrik ibiliko eginkizun honetan. Erregearekin etengabe elkartuta dago lanean, otoitzean eta atsedenean. Erregearen ekintzen jarraitzailea bere zereginean sartzen da erabat: salbazioaren, askapenaren, justiziaren eta bakearen berri ona hots egingo herri guztietan. Ohartu egin behar gara Jesusen deia den bezalakoa delako inoiz ezin dugula jakin bizitzako erromesaldian nora joan beharko dugun, joan horretan eta harremanetan zer aldaketa egongo diren, ezusteko heriotzak edo zorte on paregabea egongo diren. Gure gaurko ibilbidearen amaieran aurkituko dugunaz adina dakigu Jesusen ondoan egingo dugun bide horretaz. Beraz, Jesusekin bat egitera gonbidatuta gaude eskuzabaltasun handiz eta Berarengan fedea izanda.

Eskuzabaltasun handi hori eta barneko elkartasunezko harreman hori dira Jainkoak gizateriarentzat nahi dituenak ere. Jainkoak gizateriari begiratu eta intimitate edo barneko izate hori Berari deika ari zaiola sentitzen du. Haragiztatzea da intimitate eskuzabalaren nahiari Jainkoak emandako erantzuna. Hirutasun Santuari begiratzera gonbidatzen gaitu Ignaziok, gizateriari begira baitago eta ikusitakoa Jainkoarekin partekatzera gonbidatzen gaitu: «Pertsona desberdinak ikusiko ditut lurrazalean, hainbat janzkera eta jokaeratakoak: batzuk zuriak eta besteak beltzak, batzuk bakean eta besteak gerran, batzuk negarrez eta besteak barrez, batzuk osasuntsu eta besteak gaixo, batzuk jaiotzen eta besteak hiltzen, eta horrela etengabe.» Jarraian hiru Pertsona Santuak eserita ikusiko ditut beren Jainkozko Erregetzako errege tronuan. Munduari begira daude eta herri guztien itsutasun ikaragarria ikusten dut eta bekatuaren absurduan nola sufritzen eta hiltzen ari diren… «Pertsona jainkotiarrak esaten ari direna entzun behar dut, hau da, “Gizateriaren eroskundean hitza eman behar dugu.”»

Bekatuaren errealitateaz eta Jainkoaren planaren aurkako iraultzaz hausnartuko dugu. Orain Jainkoa mundu bekatari honekiko askatasunez egin duen aukera errukiorraz hausnartuko dugu: Jesus gure giza historiara etorriko dela eta horrela izateko, erosteko eta gure harrizko bihotzetara maitasuna ekartzeko modu berria erakutsiko digula.

Testuak:

Lukas 1, 26-38. Gizakundearen misterioan Mariaren lankidetzara gonbidatzen du Jainkoak. “Ez” esateko aukera zuen arren, Mariak “bai” esan zuen askatasun osoz. Agerraldi horretako itxaropena eta miraria sentitzen ditugu: Jainkoarentzat ez da ezer ezinezkorik, Elisabetek agorra zela uste zuen eta sei hilabeteko dago. Jainkoak hau egin badezake munduan, zer ezin du egin !?

Filipoarrei 2, 5-11. Hirutasunaren presentziaren irudian jarriko naiz, Semea gutako bat izango dela erabaki dute eta Mariaren sabelean dagoen Jesusi begiratuko diot. Antzinako ereserki honek Jainkoaren misterio harrigarria adierazten du, izaki amaigabea amaikor egin da, espiritu mugagabe eta garbia haragiztatu.

Joan 1,1-14. Joanen Ebanjelioko sarrerarekin otoitz egin eta Jainkoak miresmen eta harrigarriz bete gaitzan utziko dugu, niretzat eta bere herri osoarentzat duen dohainagatik.

Lukas 1:39-55. Mariak Elisabeti egin zion ikustaldiari begiratu eta topaketan gertatzen den giza drama eta drama jainkotiarrari adi egongo gara. Jesusi adi egongo gara, Mariaren sabelean baitago. Joan Bataiatzailearen bidez ematen dio ongietorria gizateriak Jesus Jainkoaren Semeari.

Amaierako elkarrizketa: meditatutakoaren laburpen bat egin otoitzeko tartean, Jesusekin adiskide batekin bezala hitz eginda. Egindako bide zati honetan aurkitutako puntuez bihotza ireki berari. Amaitzeko, Aita Gurea esan.

Leave a Reply

Your email address will not be published. Required fields are marked *

Bizikletaz egiteko zailtasun ertainekoa

ez dago gorabehera handirik, baina zati batzuetan harri zolteak daude eta nekezagoa da aurrera egitea.

Alcanadre: 0 km.
N-123 bidegurutzea: 7,2 km.
Trenbide gaineko zubia: 9,3 km.
Calahorra: 21,5 km.

Bidea

Etapa eskema

Altimetria

Calahorrako eguraldian

Calahorra
27°
few clouds
humidity: 47%
wind: 7m/s E
H 23 • L 23
28°
Sat
25°
Sun
23°
Mon
26°
Tue